“长腿蟹”吕慧仪在TVB处境剧《爱．回家之开心速递》饰演“熊若水”大受欢迎，同剧中演员更似足一家人，关系融洽。

今日系吕慧仪37岁生日，原来寻晚一班《爱回家》艺人同佢食饭庆祝，片中见到“熊家”早已预备咗两个蛋糕，寿星女见到咁靓嘅蛋糕表现兴奋，切蛋糕仲切咗几次，又笑到见牙唔见眼，童心未泯成个少女咁！

而踏正凌晨12点，“朱凌凌”吴伟豪坐吕慧仪顺风车时，好识做地冧爆唱生日歌畀寿星女听，呢一班戏内戏外都似足家人嘅《爱回家》成员，睇到令人羡慕呀！